Այսօր կէսօրին մամլոյ ասուլիս մը տեղի ունեցաւ մայրաքաղաքի Ինթերնասիոնալ պանդոկին մէջ, ուր Հարիւրամեակի Յանձնախումբը խօսեցաւ Արժանթինի մէջ Ցեղասպանութեան Հարիւրամեակին առթիւ տեղի ունենալիք միջոցառումներուն մասին:
Խօսք առին ԳարլոսՄանուկեան, պատասխանատուն Հայ Կեդրոնի մամլոյ եւ մշակութային հարցերուն, Սերխիօ Նահապետեան, նախագահ «Թէքէեան» Մշակութային Ընկերակցութեան եւ Խորխէ Տոլմաճեան, ներկայացուցիչ «Արմենիա» Մշակութային Ընկերակցութեան:Ներկայ էին նաեւ Գորտոպայի ե ւ Րոսարիոյ գաղութի ներկայացուցիչները :
Յանձնախումի անդամները ընդհանուր զեկուցում տուին հարիւրամեակին առթիւ կայանալիք միջոցառւմներուն մասին եւ պատասխանեցին իրենց ուղղուած հարցումներուն, շուրջ յիսուն լրագրողներու, որոնք կըներկայացնէին հեռատեսիլ , ձայնասփիւռ եւ մամուլ:
Մամլոյ ասուլիսէն յետոյ եղաւ հիւրասիրութիւն եւ ներկաները իրենց հետ տարին թղթակալներ, միջոցառումներու ամբողջական ցանկով, նաեւ ծանօթութիւն Հայաստանի եւ Հայկական Ցեղասպանութեան մասին, եւ թաղարներ «Անմոռուկ» ծաղիկի սերմերով: