Հայկական զինված ուժերը շարունակում են վերահսկել իրավիճակը։ Այս մասին հունիսի 9-ին խորհրդարանում լրագրողներին հայտարարեց ՀՀ պաշտպանության նախարար Սեյրան Օհանյանը՝ անդրադառնալով Տավուշի մարզի սահմանամերձ Բաղանիս գյուղի ուղղությամբ արձակած կրակոցներին։
Նախարարը նշեց, որ թե՛ Հայաստանի Հանրապետությունում, թե՛ Լեռնային Ղարաբաղում իրավիճակը հանգիստ է եւ վերահսկվում է Զինված ուժերի կողմից։
«Իրավիճակը պարտավորեցնում է միայն ավելի հետեւողական կերպով վերահսկել իրավիճակը, հետեւություններ անել ու սառնասիրտ որոշումներ կայացնել՝ պատրաստ լինելով ցանկացած զարգացման»,- ասաց նախարարը։
Հիշեցնենք, որ հունիսի 9-ի կեսգիշերին հակառակորդը կրակել էր Տավուշի մարզի Բաղանիս գյուղի ուղղությամբ։ Ինչպես NEWS.am-ին հայտնել էր գյուղապետ Նարեկ Սահակյանը, բարեբախտաբար տուժածներ չկան։ Վնասվել է տներից մեկի պատուհանը։