Մարտ 19ին Հինգշաբթի երեկոյեան ժամը 19ին Քաղաքիս Մայր Տաճարին մէջ պիտի մատուցուի Սուրբ պատարագ Պուէնոս Այրէսի առաջնորդ Կարտինալ Մարիօ Լիոյի կողմէ, յարգելու համար յիշատակը Ցեղասպանութեան զոհերուն:
Պատմական այս տաճարը կը գտնուի Րիվատաւիա պողոտային վրայ, Սան Մարթին փողոցի անկիւնը, քաղաքին կեդրոնը:
Եկեղեցական այս արարողութիւնը մաս կը կազմէ այն բազմաթիւ ձեռնարկներուն՝որոնք տեղի պիտի ունենան մայրաքաղաքին մէջ, նուիրուած Ցեղասպանութեան զոհերու ոգեկոչման: