Հայաստանի ողջ տարածքում ունենք որակյալ կապ եւ բարձր արագության ինտերնետ ցանց: Այս մասին, այսօր՝ հունիսի 9-ին, Տեղեկատվական տեխնոլոգիաների եւ ծառայությունների համաշխարհային ալյանսի նախագահ Իվոն Չիուի հետ հանդիպման ժամանակ նշել է ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը:
Իվոն Չիուին Հայաստան է ժամանել նաեւ «ԴիջիԹեք» բիզնես ֆորումի աշխատանքներին մասնակցելու համար:
Նախարարությունից NEWS.am-ին հայտնում են, որ ոողջունելով հյուրին` նախարարը վստահեցրել է, որ ի դեմս ՀՀ կառավարության, ալյանսը Հայաստանում ունի հուսալի գործընկեր:
Կողմերը քննարկել են Հայաստանում ՏՀՏ ոլորտի աճի ներկա միտումները եւ զարգացման հեռանկարները: Նախարարն ընդգծել է, որ ՏՏ ոլորտը մեր տնտեսության գերակա ճյուղերից է, որտեղ վերջին տարիներին շոշափելի հաջողություններ ենք գրանցել: Զարգացման բարձր մակարդակի վրա է նաեւ հեռահաղորդակցության ոլորտը, երկրի ողջ տարածքում ունենք որակյալ կապ եւ բարձր արագության ինտերնետ ցանց:
Հանդիպման առանցքային թեման 2019 թ. ՏՏ ամենամյա Համաշխարհային կոնգրեսն է: Լայնամասշտաբ բարձր տեխնոլոգիական այս միջոցառումն առաջին անգամ հյուրընկալելու է Հայաստանը: Կազմակերպչական աշխատանքները կիրականացնեն Տրանսպորտի, կապի եւ տեղեկատվական տեխնոլոգիաների նախարարությունն ու ԻՏՁՄ-ն համատեղ:
Համաշխարհային ալյանսի նախագահը նշել է, որ Կոնգրեսի նախապատրաստական աշխատանքները բավական բարդ ու ժամանակատար են, այդ իսկ պատճառով պետք է սկսել պատրաստվել այսօրվանից. ընտրել Հայաստանի ճիշտ բրենդինգը, որով երկիրը պիտի ներկայանա մասնակից երկրներին ու միջազգային ընկերություններին:
Իվոն Չիուն նախարարին հրավիրել է ներկա գտնվելու Թայվանում կայանալիք ՏՏ Համաշխարհային կոնգրես 2017-ին:
(News.am)
Notas relacionadas:
(Español) Charla informativa sobre 12° Congreso Mundial de Profesionales de la Salud Armenios el 27 de septiembre
(Español) El arzobispo Kissag Mouradian disertó en el Congreso Mundial “Una senda hacia la paz”
Ռիոյում Հայաստանն ունի առաջին մեդալը. 19-ամյա Սիմոն Մարտիրոսյանը դարձավ արծաթե մեդալակիր
(Español) Con la presencia del presidente de Armenia, culminó el Congreso Mundial de la Iglesia Apostólica Armenia