Պերճ Սեդրակեան, Ռուբէն Վարդանեան եւ Սամ Սիմոնեան Արժանթինի Հայ Կեդրոնի Մէջ

IMG_7208Աշխատանքի  առընչութեամբ Արժանթին կատարած իրենց   այցելութեան ծիրին մէջ, այսօր Հայ Կեդրոնի  հիւրերը եղան Տիարք Պերճ Սեդրակեան՝ Հայկական  Բարեգործական Ընդհանուր Միութեան (Հ.Բ.Ը.Մ) նախագահը, Ռուբէն Վարդանեան՝ հիմնադիրը  IDeA  (անգլերէն սկզբնատառերը Հայաստանի զարգացման նախաձեռնութիւններ) բարեսիրական հաստատութեան եւ 100 Lives and Aurora Prize  (100 Կեանքեր եւ Աուրօրա Մրցանակ) ծրագրին, եւ Սամ Սիմոնեան՝  Թումօ արհեստագիտական կեդրոնի հիմնադիրը:

Յարգելի հիւրերը, որոնց կ’ընկերանային տեղւոյս Հ.Բ.Ը.Մ.ի պատասխանատուներ, ընդունուեցան թեմիս Առաջնորդ՝ Գիսակ Արք. Մուրատեանի , Հայ Կեդրոնի Նախագահ՝ Ալպերթօ Ճերէճեանի , վարչականներու  եւ կղերական դասին կողմէ: Ներկայ էին նաեւ Արզումանեան Հիմնարկութեան անդամներ:

Նախապէս  բոլորը միասին աղօթեցին Ս. Գրիգոր Լուսաւորիչ Մայր Տաճարին մէջ, ապա ուղղուեցան  դէպի IMG_7173առաջնորդարան, ուր խօսեցան եւ կարծիքներ փոխանակեցին զանազան հարցերու շուրջ, որոնց առանցքն էր հայրենիքը եւ սփիւռքը դիմագրաւող մարտահրաւէրները:  Նաեւ  քաջալերել Հայաստանի մէջ ներդրումներ  կատարելու  ծրագիրը:

Շեշտուեցաւ կարեւորութիւնը իւրաքանչիւր գաղութի մէջ     համայնքային գործելաձեւով մեզ շրջապատող հասարակութեան հասնելու , որպէսզի տեղացիները եւս ծանօթանան մեր գործունէութեան:

Սեդրակեան իր խօսքին մէջ  ըսաւ .

-Հակառակ կարգ մը տիրող  կարծիքներու , ես կը մտածեմ թէ  համայնաշխարհացումը (globalización), համացանցը եւ արդիական այլ հաղորդակցութեան միջոցներու գործածութիւնը , շատ  կը նպաստեն մեր համայնաքային աշխատանքի իրականցման եւ պէտք է օգտագործել զանոնք:

IMG_7187Ալպերթօ Ճերէճեան իր կարգին  ընդգծեց կարեւորութիւնը  ազգային ինքնութեան պահպանման, հայեցի դաստիարակութեան  եւ ուսուցման մակարդակի  բարձրացման:

Հիւրերը  հրապարակային հանդիպում մը պիտի ունենան Ուրբաթ՝ Ապրիլ 1ին  Հ.Բ.Ը.Մ. ի սրահին մէջ:

Compartir