Նախագահ Սերժ Սարգսյանն այսօր ընդունել է պաշտոնական այցով Հայաստան ժամանած Իտալիայի արտաքին գործերի եւ միջազգային համագործակցության նախարար Պաոլո Ջենտիլոնիին:
Ողջունելով բարձրաստիճան հյուրին մեր երկրում՝ Հանրապետության Նախագահը գոհունակությամբ է փաստել, որ դարերի խորքից եկող հայ-իտալական հարաբերությունները լի են բարեկամության բազմաթիվ դրսեւորումներով, ինչի հիման վրա Հայաստանի անկախացումից հետո՝ անցած 25 տարիներին ձեւավորված միջպետական հարաբերությունները վերընթաց զարգացում են ունեցել: Սերժ Սարգսյանը հույս է հայտնել, որ նախարար Ջենտիլոնիի այցը նոր խթան կհաղորդի Հայաստանի եւ Իտալիայի քաղաքական երկխոսությանը եւ կնպաստի տարբեր ոլորտներում առկա համագործակցության առավել խորացմանը: Զրուցակիցներն անդրադարձել են երկկողմ տնտեսական կապերի խթանմանը վերաբերող հարցերի:
ՀՀ Նախագահը եւ Իտալիայի արտաքին գործերի եւ միջազգային համագործակցության նախարարը մտքեր են փոխանակել տարածաշրջանային խնդիրների ու մարտահրավերների, այդ թվում` ԼՂ հիմնախնդրի կարգավորման գործընթացի, 2018թ. ԵԱՀԿ-ում Իտալիայի նախագահության առաջնայնությունների վերաբերյալ:
(News.am)
Notas relacionadas:
(Español) Diputados rusos de visita en Argentina recorrieron el Centro Armenio
Միլիոնավոր սիրիացիներ, այդ թվում՝ հայեր, ստիպված են նորից գաղթի ճամփան բռնել. Նալբանդյան
ՀՀ եւ ԼՂՀ ԱԳ նախարարները քննարկել են ղարաբաղյան հիմնախնդրի խաղաղ կարգավորման գործընթացը
Սերժ Սարգսյանը Միշել Տեմերին շնորհավորել է Օլիմպիական խաղերը Բրազիլիայում հյուրընկալելու կապակցությամբ